Xidmət rəisi: Süni intellektin yaratdığı elmi-texniki inqilab əmək məhsuldarlığının artmasına səbəb olacaq
Bakı, 28 aprel, AZƏRTAC
Rəqəmsallaşma və süni intellektin tətbiqinin geniş vüsət alması, habelə yaşıl iqtisadiyyata keçid yeni peşələrin yaranmasını labüd edir. Bu isə əməyin mühafizəsi sahəsində yeni çağırışların aktuallaşmasına səbəb olur. Şübhəsiz ki, süni intellektin yaratdığı elmi-texniki inqilab əmək məhsuldarlığının artmasına səbəb olacaq.
AZƏRTAC xəbər verir ki, bunu Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi Vəli Quliyev "Rəqəmsallaşma və süni intellektin iş yerlərinə təsiri" mövzusunda keçirilən konfransın "Əməyin mühafizəsi: reallıqlar və trendlər" adlı panel müzakirəsində çıxışı zamanı deyib.
V.Quliyev bildirib ki, bununla yanaşı, peşə xəstəlikləri, o cümlədən yeni növ xəstəliklərin yaranması riskləri də artacaq. Bu vəziyyət yeni tənzimləmə mexanizmlərinin qurulmasını və risk modellərinin yenidən formalaşdırılmasını tələb edir.
Bölmənin digər xəbərləri
