Xocalıda erməni təcavüzkarlarının törətdikləri cinayətlər yaddaşlardan heç zaman silinməyəcək
Bakı, 24 fevral, AZƏRTAC
UNEC-in türk dünyası işlətmə fakültəsi və bu ali məktəbin Beynəlxalq Magistratura və Doktorantura Mərkəzinin birgə təşkilatçılığı ilə Xocalı faciəsinin 25-ci ildönümünə həsr olunmuş tədbir keçirilib.
UNEC-dən AZƏRTAC-a bildiriblər ki, tədbirdə fakültənin dekanı, dosent Fərrux Tuzcuoğlu Xocalı soyqırımından, ermənilərin türk xalqlarına qarşı törətdikləri vəhşiliklərdən danışıb.
Xocalı soyqırımından bəhs edən sənədli film nümayiş olunub. Xocalı hadisələrinin canlı şahidləri və Azərbaycanın Milli Qəhrəmanı Səfiyar Behbudovun bacısı Naibə Behbudova həmin qanlı gecədə erməni təcavüzkarlarının törətdikləri cinayətlərin yaddaşlardan heç zaman silinməyəcəyini söyləyiblər.
Bildirilib ki, Xocalı soyqırımı təkcə Azərbaycan xalqına qarşı deyil, bəşəriyyət əleyhinə törədilmiş qanlı cinayət aktıdır.
Bölmənin digər xəbərləri
