YANĞIN NƏTİCƏSİNDƏ CİDDİ XƏSARƏT ALMIŞDIR
Baş Dövlət Yanğın Təhlükəsizliyi İdarəsindən AZƏRTAC-a daxil olmuş məlumatda bildirilir ki, Saatlı rayonun Telmankənd kəndi ərazisində qaçqınlar üçün tikilmiş qəsəbədə baş vermiş yanğın nəticəsində ciddi xəsarət alan 32 yaşlı Pakilet Süleymanova xilas edilmiş və o, xəstəxanaya çatdırılmışdır. Zərərçəkənin həyat yoldaşı Təvəkkül Şıxəliyevə məxsus bir otaqlı ev yararsız hala düşsə də yanğın söndürülmüşdür. Yanğının baş verməsinə ətrafa dağılmış kerosinin sobadan alışması səbəb olmuşdur.
Ağstafa rayonunun Xılxına kəndində Ağabala Əhmədovun və Qusarın Yasab kəndində Pirnəzər Səfərova məxsus evlər də yanmışdır. Hadisələrin səbəbləri və dəyən ziyan müəyyənləşdirilir.
Bölmənin digər xəbərləri
