Yanvar-iyun aylarında peşə, elmi və texniki fəaliyyət sahələrində çalışanların əməkhaqqı yüksək olub
Bakı, 12 avqust, AZƏRTAC
2021-ci il iyulun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 4,5 min nəfər və ya 0,3 faiz azalaraq 1690,6 min nəfər olub, onlardan 908,1 min nəfəri iqtisadiyyatın dövlət sektorunda, 782,5 min nəfəri isə qeyri-dövlət sektorunda fəaliyyət göstərib. Onların 19,4 faizi təhsil, 3,5 faizi isə peşə, elmi və texniki fəaliyyət sahələrində çalışıb.
Dövlət Statistika Komitəsindən AZƏRTAC-a bildirilib ki, 2021-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 0,6 faiz artaraq 724,4 manat olub. Bir çox sahələrlə yanaşı, peşə, elmi və texniki fəaliyyət sahələrində işləyənlərin də orta aylıq nominal əməkhaqqı yüksək olub.
Bölmənin digər xəbərləri
