YAP BƏRDƏ RAYON TƏŞKİLATI 13 YAŞINI QEYD ETDİ
Yığıncaq iştirakçıları əvvəlcə ümummilli liderimiz, Yeni Azərbaycan Partiyasının yaradıcısı Heydər Əliyevin abidəsi önünə əklil və gül-çiçək dəstələri qoymuş, ulu öndərin xatirə muzeyi ilə tanış olmuşlar.
Yubiley yığıncağında YAP Bərdə rayon təşkilatının sədri İlham Ağayevin məruzəsi dinlənilmişdir. Natiq qeyd etmişdir ki, ötən müddət ərzində təşkilatın sıraları genişlənmiş, fəaliyyəti güclənmişdir. 168 ilk partiya təşkilatında 6 min nəfər üzv cəmləşmişdir ki, bunun da 1323 nəfərini qadınlar, 1600 nəfərini gənclər təşkil edir. Təşkilatın boy sırası durmadan artır. Ötən il 500 nəfərdən çox təəssübkeş partiya sıralarına qəbul olunmuşdur. Qeyd edilmişdir ki, rayon təşkilatı partiyanın üçüncü qurultayının, ölkə Prezidenti, YAP sədri İlham Əliyevin qarşıya qoyduğu vəzifələri müvəffəqiyyətlə yerinə yetirməyə çalışır.
Yubiley tədbirində çıxış edən natiqlər ümummilli liderimiz Heydər Əliyev siyasi kursunun layiqli davamçısı, Prezidenti, YAP sədri İlham Əliyevin ətrafında daha sıx birləşəcəklərini bildirmişlər.
Partiya fəallarının bir qrupuna qiymətli hədiyyələr və diplomlar təqdim olunmuşdur.
YAP Siyasi Şurasının üzvü, icraçı katibin müavini, Milli Məclisin deputatı Siyavuş Novruzov, YAP Siyasi Şurasının üzvü Səyyad Aran yığıncaqda iştirak və çıxış etmişlər.
Yığıncaq iştirakçıları Azərbaycan Respublikasının Prezidenti, YAP sədri İlham Əliyevə müraciət qəbul etmişlər.
Bölmənin digər xəbərləri
