YAP MİNGƏÇEVİR TƏŞKİLATI 10 YAŞINI QEYD ETMİŞDİR
Yeni Azərbaycan Partiyası Mingəçevir şəhər təşkilatı yaradılmasının 10 illiyinə həsr olunmuş tədbir keçirmişdir.
Şəhər icra hakimiyyətinin başçısı Məhəbbət Qarabağlı və Yeni Azərbaycan Partiyası Siyasi Şurasının üzvü, Milli Məclisin deputatı Aydın Mirzəzadə təşkilatın yaradılması, inkişafı və qarşıda duran vəzifələr barədə danışmış, yubiley münasibətilə partiya üzvlərini təbrik etmişlər.
Çıxışlarda qeyd olunmuşdur ki, Azərbaycanın dövlət müstəqilliyinin bərqərar olunmasında və möhkəmlənməsi işində partiyanın sədri, ümummilli liderimiz, respublikamızın Prezidenti Heydər Əliyevin tarixi xidmətləri vardır. Xüsusi vurğulanmışdır ki, ARDNŞ-in birinci vitse-prezidenti, Milli Məclsin deputatı, Milli Olimpiya Komitəsinin Prezidenti İlham Əliyev YAP-ın son qurultayında partiya sədrinin birinci müavini seçiləndən sonra şəhər təşkilatı üzvlərinin sayı 3 dəfə artmışdır. Diqqətə çatdırılmışdır ki, İlham Əliyevin Avropa Şurası Parlament Assambleyasının sədr müavini və Büro üzvü seçilməsi isə partiyanın beynəlxalq aləmdə nüfuzunun yüksəlməsinə dəlalət edir.
Tədbirin sonunda partiya üzvlüyünə qəbul edilən bir qrup gəncə üzvlük vəsiqələri təqdim olunmuşdur.
Bölmənin digər xəbərləri
