YAP Şəmkir rayon təşkilatının yaradılmasının 21-ci ildönümü qeyd edilmişdir
Şəmkir, 17 noyabr (AZƏRTAC). Şəmkirdə Yeni Azərbaycan Partiyasının yaradılmasının (YAP) 21-ci ildönümü qeyd edilmişdir.
AZƏRTAC xəbər verir ki, tədbir iştirakçıları partiyanın yaradıcısı, ümummilli lider Heydər Əliyevin abidəsini ziyarət etmiş, önünə gül dəstələri qoymuşlar. Sonra yubiley tədbiri rayon mədəniyyət sarayında davam etdirilmişdir. Mərasimdə YAP Şəmkir rayon təşkilatının sədri Faxrəddin Vəliyev ötən 21 il ərzində görülən işlərlə bağlı məruzə ilə çıxış etmişdir. Qeyd edilmişdir ki, hazırda YAP rayon təşkilatının 9 min 829 nəfər üzvü vardır. Onlardan 3 min 845 nəfəri gənclər, 4 min 970 nəfəri isə qadınlardır. Partiya üzvləri rayonun ictimai-siyasi həyatında fəallıqla iştirak edirlər. Təməli ulu öndər Heydər Əliyev tərəfindən qoyulmuş və Prezident İlham Əliyev tərəfindən uğurla davam etdirilən məqsədyönlü siyasətin nəticəsində respublikanın digər bölgələri kimi, Şəmkir də gündən-günə inkişaf edir, gözəlləşir. Rayonda yeni təhsil, səhiyyə, mədəniyyət ocaqları inşa edilir. Yeni istehsal sahələri yaradılmaqla insanların məşğulluğu təmin olunur.
Sonra partiya fəalları çıxış edərək müstəqil Azərbaycanın inkişafında YAP-ın göstərdiyi xidmətlərdən danışmışlar.
Bölmənin digər xəbərləri
