YAPONİYA HÖKUMƏTİ GÜRCÜSTANA 2,5 MİLYON DOLLAR MƏBLƏĞİNDƏ QRANT AYIRACAQDIR
AZƏRTAC-ın müxbirinin verdiyi xəbərə görə, Gürcüstan əmək, səhiyyə və sosial müdafiə naziri Amiran Qamkrelidze jurnalistlərə bildirmişdir ki, Yaponiya hökuməti Gürcüstana tibb avadanlığı almaq üçün 2,5 milyon dollar məbləğində qrant ayrılması barədə qərar qəbul etmişdir. Ölkənin müxtəlif regionlarında 90 poliklinika müasir avadanlıqla təchiz olunacaqdır. Onun sözlərinə görə, bu qrant Gürcüstan hökumətinin hazırladığı “İlkin səhiyyədə qlobal islahatlar” layihəsinin tərkib hissəsidir.
Dünya Bankının, Böyük Britaniyanın Beynəlxalq İnkişaf Agentliyinin də iştirak etdiyi layihənin həyata keçirilməsindən məqsəd Gürcüstanın ilkin səhiyyə sistemində institusional və təşkilati islahatlar aparılmasından ibarətdir.
Bölmənin digər xəbərləri
