Yaponiya və Cənubi Koreya hərbi mübadilələri bərpa etmək niyyətindədir
Bakı, 20 may, AZƏRTAC
Yaponiya və Cənubi Koreya hökumətləri hərbçilər arasında dayandırılmış mübadilələri bərpa etmək niyyətindədir.
AZƏRTAC xəbər verir ki, bu barədə “Yomiuri” qəzeti məlumat yayıb.
Məlumata görə, tərəflər mayın 31-dən iyunun 2-dək Sinqapurda keçiriləcək Asiya Təhlükəsizlik Konfransı çərçivəsində iki ölkənin müdafiə nazirlərinin görüşünün təşkili barədə razılığa gəliblər.
Xatırladaq ki, 2018-ci ilin dekabrında Cənubi Koreya donanmasının gəmisinin Yapon patrul təyyarəsini radarla ələ keçirməsi hadisəsindən sonra iki ölkə arasında hərbi mübadilələr dayandırılıb.
Bölmənin digər xəbərləri
