Yaponiya və Türkiyə müdafiə sənayesi sahəsində əməkdaşlığı möhkəmləndirməyə çalışırlar
Tokio, 13 noyabr (AZƏRTAC). Yaponiyanın Müdafiə Nazirliyi Türkiyə ilə birlikdə müdafiə avadanlığının birgə istehsalı sahəsində əməkdaşlığın genişləndirilməsi imkanlarını araşdırır.
Türkiyənin müdafiə naziri İsmət Yılmaz cari ilin martında yaponiyalı həmkarı İçunori Onodera ilə görüşü zamanı iki ölkə arasında müdafiə sənayesi sahəsində texniki əməkdaşlığı genişləndirməkdə maraqlı olduqlarını bildirmişdi.
2011-ci ilin martında Yaponiya hökuməti silahların ixracına qoyulmuş qadağanı yumşaltdıqdan sonra, bir çox ölkələr müvafiq təkliflə çıxış etmişlər.
Türkiyə Yaponiya şirkətləri ilə birlikdə tank üçün mühərriklərin hazırlanmasına çalışır.
Yaponiyanın Müdafiə Nazirliyindən bildirmişlər ki, bu istiqamətdə qarşılıqlı əlaqələrin inkişafı ölkənin müdafiə sənayesinin əsaslarını möhkəmləndirməyə şərait yaradacaqdır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
