Yaponiyanın şimalında göyərtəsində yeddi nəfərin olduğu gəmi itib
Tokio, 28 avqust, AZƏRTAC
Yaponiyanın Hokkaydo adası yaxınlığında göyərtəsində yeddi nəfərin olduğu balıqçı gəmisi ilə əlaqə kəsilib.
AZƏRTAC NHK telekanalına istinadla xəbər verir ki, hadisə Sakit okeanda, Kuşiro limanından 90 kilometr məsafədə baş verib.
Bildirilir ki, gəmidə 3 nəfər Yaponiya və dörd nəfər İndoneziya vətəndaşı olub. Son dəfə rabitə əlaqəsinə çıxan kapitan güclü dalğalar nəticəsində gəminin xeyli əyildiyini bildirib.
Hazırda hadisə yerinə xilasedicilər göndərilib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
