SİYASƏT
Yardımlıda Konstitusiya Gününə həsr olunmuş “dəyirmi masa” keçirilmişdir
Yardımlı, 12 noyabr (AZƏRTAC). Noyabrın 12-də Yardımlı Rayon İcra Hakimiyyətində Konstitusiya Gününə həsr olunmuş “dəyirmi masa” keçirilmişdir.
AZƏRTAC xəbər verir ki, tədbirdə çıxış edənlər ölkəmizin Əsas Qanunun qəbul edilməsindən ötən müddət ərzində həyatımızın bütün sahələrində qazanılmış uğurlardan, ümummilli lider Heydər Əliyevin bununla bağlı misilsiz xidmətlərindən danışmış, Prezident İlham Əliyevin ölkəmizdə demokratiyanın inkişafı, regionların sosial-iqtisadi tərəqqisi istiqamətində həyata keçirdiyi tədbirləri yüksək qiymətləndirmişlər.
Çıxışlarda Azərbaycan Konstitusiyasının ölkənin iqtisadi inkişafı və xalqın rifahının yüksəlməsində, insan hüquq və azadlıqlarının təmin olunmasında mühüm rol oynadığı, dövlət siyasətinin əsasında insan amilinin dayandığı, demokratik cəmiyyət quruculuğunun Prezident İlham Əliyev tərəfindən uğurla həyata keçirildiyi diqqətə çatdırılmışdır.