Yardımlıda narkokuryerlərdən 15 kiloqram marixuana aşkarlanıb
Yardımlı, 16 may, AZƏRTAC
Yardımlı rayonunda narkokuryerlərdən 15 kiloqram marixuana aşkarlanıb.
Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, Yardımlı Rayon Polis Şöbəsinin əməkdaşlarının keçirdikləri tədbirlərlə paytaxt sakinləri Bədir Mürsəlov, Şəhriyar Əndəlifov və Mahir Abdullayev saxlanılıblar. M.Abdullayevin idarə etdiyi "Toyota" markalı avtomobilə baxış zamanı 15 kiloqram marixuana, Bədir Mürsəlovun üzərindən isə metadon həbləri aşkarlanıb.
Saxlanılan şəxslər barəsində məhkəmənin qərarı ilə həbs qətimkan tədbiri seçilib. Araşdırmalar aparılır.
Qeyd edək ki, Yardımlı RPŞ-nin əməkdaşları cari ildə 126 kiloqram narkotik vasitəni qanunsuz dövriyyədən çıxarıblar.
Bölmənin digər xəbərləri
