Yardımlıda payızlıq bitkilərin kütləvi səpini başa çatıb
Yardımlı, 9 yanvar, İlkin Adıyev, AZƏRTAC
Yardımlı rayonunda 2026-cı ilin məhsulu üçün payızlıq bitkilərin kütləvi səpini başa çatıb.
Rayon Statistika İdarəsindən AZƏRTAC-ın bölgə müxbirinə bildirilib ki, 1 yanvar 2026-cı il vəziyyətinə dən və yaşıl yem üçün ümumilikdə 3420,0 hektar sahədə payızlıq bitkilər səpilib. Səpin aparılmış sahələrin 89,9 faizini və ya 3073,0 hektarını buğda, 10,1 faizini və ya 347,0 hektarını isə arpa əkinləri təşkil edir.
2024-cü illə müqayisədə 2025-ci ildə payızlıqlar üzrə səpin sahəsi 34,8 faiz artıb. Artım buğda sahələri üzrə 39,2 faiz, arpa sahələri üzrə isə 4,8 faiz təşkil edib.
Rayonda buğda əkinləri əsasən Aşağı Astanlı, Ərus, Yolocaq, Zevin və Telavar kənd inzibati ərazi dairələri üzrə nümayəndəliklərin əhali təsərrüfatlarında aparılıb.
Bölmənin digər xəbərləri
