Yaşar Sarı: Azərbaycan ilə Türkiyənin bir-birinə ehtiyacı var
Bakı, 20 may, AZƏRTAC
Regiondakı layihələrin həyata keçirilməsi üçün Azərbaycan və Türkiyənin bir-birinə ehtiyacı var. Əməkdaşlığa iqtisadi, siyasi və geosiyasi mövqedən də yanaşmaq olar.
AZƏRTAC xəbər verir ki, bu sözləri İbn Haldun Universitetində Heydər Əliyev Mərkəzinin direktoru Yaşar Sarı mayın 20-də Bakıda keçirilən “Azərbaycan-Türkiyə münasibətləri Türk Dövlətləri Təşkilatı çərçivəsində” adlı tədbirdə söyləyib.
İbn Haldun Universiteti adından 2023-cü ildə Ulu Öndərlə bağlı müxtəlif tədbirlər təşkil etdiklərini deyən Yaşar Sarı, həmçinin Türk dünyasındakı önəmli təhsil müəssisələri ilə əməkdaşlıq əlaqələri qurmaq və birgə fəaliyyət dairəsini genişləndirmək istiqamətində ortaq işlər gördüklərini deyib.
O, Azərbaycanla Türkiyə arasındakı müttəfiqlik münasibətlərinin Şuşa Bəyannaməsindən də əvvələ gedib çıxdığını vurğulayıb.
Bölmənin digər xəbərləri
