İQTİSADİYYAT
Yaşayış binalarının damlarından suyun axıdılması təşkil olunmalıdır
Bakı, 14 dekabr, AZƏRTAC
Yaşayış binalarının damlarından suyun axıdılmasının təşkili ilə bağlı işlər planlaşdırılmalıdır.
AZƏRTAC Dövlət Şəhərsalma və Arxitektura Komitəsinə istinadla xəbər verir ki, bu, komitənin kollegiyası tərəfindən təsdiqlənən “Yaşayış binaları. Layihələndirmə normaları”nda öz əksini tapıb.
Qeyd olunub ki, yaşayış otaqlarının və mətbəxin üstündə sanitar qovşağının layihələndirilməsinə yol verilmir. İkisəviyyəli mənzillərdə sanitar qovşağının mətbəx üstündə yerləşdirilməsi isə mümkündür.
Tikintidə istifadə edilən bütün material və məmulatlar insan orqanizmi üçün təhlükəsiz olmalı, onların sanitariya norma və qaydalarına, gigiyena normativlərinə uyğunluğu dövlət sanitariya-epidemioloji nəzarət orqanları tərəfindən verilmiş gigiyenik sertifikatlarla təsdiq edilməlidir.