“YAŞLILARIN TƏHSİLİ” MÖVZUSUNDA KONFRANS KEÇİRİLMİŞDİR

13.09.2003 [18:14]
Çap et
A⁺ A^-

“Crescent Beash” hotelində keçirilən konfransın təşkilatçıları Milli Məclisin elm və təhsil məsələləri daimi komissiyası, Bakı Elmi Tədris Mərkəzi, Sahibkarlar (İşəgötürənlər) Təşkilatları Milli Konfederasiyası, “Təhsil” Cəmiyyəti və Gənc Reportyorlar Birliyidir. “Cənubi Qafqazda yaşlıların təhsili” layihəsi çərçivəsində həyata keçirilən konfransda hökumət və qeyri-hökumət təşkilatlarının nümayəndələri iştirak edirdilər.

Konfransın keçirilməsindən məqsəd geniş kütləyə yaşlı nəslin təhsili haqqında məlumat vermək , ona maraq oyatmaq, bu sahədə çalışan təşkilatların əməkdaşlığını dəstəkləmək, ”Ömür boyu təhsil”, “Təhsil hamı üçün”, “Yaşlıların təhsili” ideyalarını geniş təbliğ etdirmək, Azərbaycanda yaşlı nəslin təhsilinin vəziyyətini, problemləri və inkişaf perspektivlərini müəyyən etməkdir.

Təhsil nazirinin müavini İsgəndər İsgəndərov Azərbaycanda yaşlıların təhsilinə dair konfransın əhəmiyyətindən danışdı. O dedi ki, Təhsil Nazirliyi bu sahəyə böyük maraq göstərir və gələcəkdə milli proqram hazırlayacaqdır.

Almaniya Xalq Universitetləri Birliyi Beynəlxalq Əməkdaşlıq İnstitutunun Qafqaz nümayəndəliyinin rəhbəri Lüdmila Klots isə Avropa və Almaniyanın bu sahədə təcrübəsindən danışdı, nümayəndəliyin Azərbaycan bürosunun işinə uğurlar arzuladı.

Hökumət və qeyri-hökumət təşkilatlarının nümayəndələri maraqlı təkliflər verdilər.