YAXIN GƏLƏCƏKDƏ AZƏRBAYCAN QAZ İXRAC EDƏN ÖLKƏYƏ ÇEVRİLƏCƏKDİR

14.06.2004 [12:51]
Çap et
A⁺ A^-

Yaxın gələcəkdə ölkəmizin təbii qaza olan tələbatı daxili imkanlar hesabına ödəniləcək və Rusiyadan ildə təxminən 5,5 milyard kubmetr qaz idxal etməyə ehtiyac qalmayacaqdır. İrimiqyaslı neft layihələrinin həyata keçirilməsi qaza olan tələbatı tamamilə ödəməyə imkan verəcəkdir.

Yanacaq və Energetika Nazirliyindən AZƏRTAC-ın müxbirinə bildirmişlər ki, “Azəri-Çıraq-Günəşli” və “Şahdəniz” neft yataqlarının tammiqyaslı işlənilməsi nəticəsində hasilat artacaq, 2006-cı ildən sonra idxal qazının həcmi tədricən azalacaqdır.

Hasilatın artmasına daha bir amil təsir göstərəcək. Xarici şirkətlərin müxtəlif bəhanələrlə imtina etdikləri “Qarabağ”, “Dan ulduzu”, “Əşrəfi” və digər dəniz yataqlarının işlənilməsi üçün Dövlət Neft Şirkəti maliyyə vəsaiti ayıracaqdır. Bu yataqlardan çıxan qaz ölkənin tələbatına yönəldiləcəkdir.

Beləliklə, Azərbaycan tezliklə qaz idxal edən ölkədən qaz ixrac edən ölkəyə çevriləcəkdir.