YAZLIQ DƏNLİ VƏ DƏNLİ-PAXLALI BİTKİLƏRİN ƏKİN SAHƏSİ 10,4 MİN HEKTAR ARTMIŞDIR
Ölkədə yazlıq bitkilərin kütləvi əkini davam edir.
Dövlət Statistika Komitəsindən AZƏRTAC-a bildirmişlər ki, mayın 1-nə olan məlumata görə, 267,2 min hektar (21,4 faiz çox) sahədə yazlıq bitkilər əkilmişdir. Bunun 37,8 min hektarını yazlıq dənli və dənli-paxlalı bitkilər təşkil etmişdir. Bütövlükdə ötən ilin müvafiq dövrü ilə müqayisədə yazlıq dənli və dənli-paxlalı bitkilərin əkin sahəsi 10,4 min hektar (38 faiz) artmışdır.
Cari il mayın 1-nə payızlıq, yazlıq dənli və dənli-paxlalı bitkilərin ümumi əkin sahəsi 856 min hektara, o cümlədən buğdanın əkin sahəsi 607,1 min hektara çatmışdır. Bu, taxıl istehsalının həcmini 2,3 milyon tona, buğda istehsalını isə 1,6 milyon tona qədər çatdırmağa imkan verir.
Bölmənin digər xəbərləri
