Yeddi illik fasilədən sonra Gürcüstanın meyvə-tərəvəzi Rusiya bazarlarına çıxarılmışdır
Tbilisi, 14 oktyabr (AZƏRTAC). Oktyabrın 14-dən Gürcüstan meyvə-tərəvəzinin Rusiya Federasiyasının bazarlarına çıxarılmasına icazə verilmişdir.
Gürcüstanın kənd təsərrüfatı naziri Şalva Pipia 2012-ci ilin oktyabrında keçirilmiş parlament seçkilərindən sonra hakimiyyətə gəlmiş yeni komandanın yürütdüyü məqsədyönlü siyasət nəticəsində Rusiya ilə iqtisadi münasibətlərdə irəliləyişə nail olunduğunu vurğulamışdır. Nazir qeyd etmişdir ki, bu ilin iyun ayından Gürcüstan şərabı, alkoqollu içkilər və mineral sular Rusiya bazarlarına çıxarılmışdır. O demişdir ki, indiyədək Rusiyaya 9 milyon butulka gürcü şərabı ixrac olunmuşdur və bu gündən meyvə-tərəvəzin də ixracına başlanmışdır.
2006-cı ildən Gürcüstan məhsullarının Rusiya Federasiyasının bazarlarına çıxarılmasına qadağa qoyulmuşdu.
İslam Əliyev
AZƏRTAC-ın xüsusi müxbiri
Tbilisi
Bölmənin digər xəbərləri
