Yeni dərslikdə ibtidai siniflərdə nitq inkişafı üzrə işin təşkilinin metodik sistemi verilib
Bakı, 15 fevral, AZƏRTAC
Azərbaycan dili təliminin başlıca prinsipi şagirdlərin nitq bacarıqlarının, nitq mədəniyyətinin inkişaf etdirilməsidir. Bu baxımdan ADPU-nun Azərbaycan dili və onun tədrisi metodikası kafedrasının baş müəllimi, pedaqogika üzrə elmlər doktoru Nabat Cəfərovanın “Nitq inkişafı üzrə işin metodikası” kitabı xüsusi əhəmiyyət daşıyır.
AZƏRTAC xəbər verir ki, akademik Nizami Cəfərovun elmi redaktoru olduğu dərsliyin hazırlanmasında əsas məqsəd ibtidai siniflərdə nitq inkişafı üzrə işin məzmununu müəyyənləşdirmək, nitq bacarıqlarının inkişafı üzrə işin metodikasını, təşkili qaydalarını hazırlamaq və bunun Azərbaycan dili təliminin səmərəliliyinin artırılmasındakı rolunu aşkara çıxarmaqdır.
Dərslikdə “Azərbaycan Respublikasının ümumtəhsil məktəbləri üçün Azərbaycan dili fənni üçün təhsil proqramının (I-IV siniflər) məktəb təcrübəsindəki nəticələri izlənilib, ibtidai siniflərdə nitq inkişafı üzrə işin təşkilinin metodik sistemi verilib.
Dərslik ibtidai təhsil üzrə bakalavr və magistrlər, ibtidai sinif müəllimləri və tədqiqatçılar üçün nəzərdə tutulub.
Bölmənin digər xəbərləri
