YENİ MƏKTƏB BİNALARININ TİKİNTİSİ DAVAM ETDİRİLİR
Təhsil naziri Misir Mərdanov AZƏRTAC-ın müxbirinə demişdir ki, orta məktəblərin modernləşdirilməsi, təhsilin inkişafı ilə bağlı əsası ümummilli liderimiz Heydər Əliyev tərəfindən qoyulmuş siyasət bu gün də Prezident İlham Əliyev tərəfindən uğurla davam etdirilir. Prezidentin tapşırığına əsasən Bakı şəhərində, ətraf və ucqar rayonlarda məktəblərin əsaslı təmiri, yeni sinif otaqlarının, eləcə də yeni məktəb binalarının tikintisi davam etdirilir. Ötən il Azərbaycanda istifadəyə verilən 101 məktəbin 32-si Yaponiya hökumətinin ayırdığı qrant hesabına bu ölkənin ölkəmizdəki səfirliyinin iştirakı ilə tikilmişdir. Həmin məktəblər müasir avadanlıq, dərs ləvazimatları və vəsaitləri ilə təchiz olunurlar.
2004-cü ildə yeni məktəblərin tikintisi davam etdirilir və yaxın gələcəkdə bütün köhnə məktəblər yeniləri ilə əvəz olunacaqdır. Bununla belə, məktəblərdə parta, yazı lövhəsi, müəllimlər üçün stol və stullar çatışmır. Hesablamalara görə, həmin problemləri həll etmək üçün 97 milyard manat vəsait lazımdır.
Bölmənin digər xəbərləri
