YENİ MƏKTƏBİN BÜNÖVRƏSİ QOYULMUŞDUR
Bununla əlaqədar keçirilən mərasimdə Sumqayıt İcra Hakimiyyətinin başçısı Vaqif Əliyev çıxış edərək, şəhərin abadlaşdırılması və sakinlərin işlə təmin olunması sahəsində görülən işlərdən danışdı və vurğuladı ki, bütün bunlar dövlətimizin başçısı Heydər Əliyevin tapşırıqlarının yerinə yetirilməsinin nəticəsidir. Bu gün isə Baş nazir İlham Əliyevin göstərişi ilə üçmərtəbəli məktəb binasının tikintisinə başlanır. Burada 500 şagird oxuyacaq, 135 kvadratmetrlik idman salonu olacaqdır.
Təhsil nazirinin müavini Elmar Qasımov bu tədbirin Müəllim günü ərəfəsində keçirildiyini xatırladaraq, orta məktəb müəllimlərini təbrik etdi. O dedi ki, Sumqayıtda təhsil müəssisələrinin maddi-texniki bazasının yaxşılaşdırılması sahəsində çox iş görülmüş və bu, Prezident Heydər Əliyevin uğurla apardığı daxili siyasət sayəsində mümkün olmuşdur.
Mərasimdə əməkdar müəllim Minarə Tahirova, yaşayış massivinin sakinləri çıxış edərək, şəhərdə həyata keçirilmiş müsbət dəyişikliklərə görə təşəkkürlərini bildirdilər və əmin olduqlarını söylədilər.
Bölmənin digər xəbərləri
