Yeni nəşr: “Azərbaycan beynəlxalq münasibətlər sistemində (XV-XVI əsrlər)”
Bakı, 4 oktyabr, AZƏRTAC
Azərbaycan Milli Elmlər Akademiyası A.Bakıxanov adına Tarix və Etnologiya İnstitutunun aparıcı elmi işçisi, ADPU-nun dosenti Mübariz Ağalarlının “Azərbaycan beynəlxalq münasibətlər sistemində (XV-XVI əsrlər)” monoqrafiyası nəşr olunub.
Bu barədə AZƏRTAC-a məlumat verən müəllif bildirib ki, monoqrafiyada XV-XVI əsrlərdə beynəlxalq münasibətlər sisteminin mahiyyəti və spesifikası şərh edilərək, Azərbaycanın bu sistemdə rolu və yeri müqayisəli şəkildə təhlil olunur. Kitabda Azərbaycan dövlətlərinin (Qaraqoyunlu, Ağqoyunlu, Şirvanşahlar, Səfəvi) xarici siyasətinin əsas istiqamətləri araşdırılır, onların Osmanlı və Böyük Moğol imperiyaları, Teymurilər, Misir Məmlük, Şeybanilər dövləti, Moskva knyazlığı, gürcü çarlıqları, Avropa dövlətləri və digər dövlətlərlə siyasi-diplomatik münasibətləri öyrənilir. Monoqrafiyanın “Əlavələr” bölməsində isə XV-XVI əsrlərdə Azərbaycandan xarici dövlətlərə göndərilən elçi-səfirlər və onların missiyası haqqında məlumat verilir.
Bölmənin digər xəbərləri
