YENİ ŞAMAXI-QUBA AVTOMOBİL YOLUNUN LAYİHƏLƏNDİRMƏ İŞLƏRİ YEKUNLAŞMAQ ÜZRƏDİR
AZƏRTAC xəbər verir ki, yeni Şamaxı-Quba avtomobil yolunun layihələndirmə işləri yekunlaşmaq üzrədir.
“Azəryolservis” ASC-dən bildirmişlər ki, layihəyə əsasən, Şamaxıdan Qubaya getmək üçün artıq kilometrlərlə məsafə qət edib Xırdalan dairəsinə gəlmək lazım olmayacaqdır. Yeni yol birbaşa Şamaxıdan Qubaya (Qonaqkənd istiqamətində Olimpiya Kompleksinin yanından mərkəzi yola, oradan da şimala, hətta Rusiya dövlət sərhədinə) hərəkət etməyə imkan verəcəkdir. Bu yolun uzunluğu 106 kilometr olacaqdır.
Layihə Koreya Respublikasının şirkəti tərəfindən işlənir və son variantı yaxın vaxtlarda Nəqliyyat Nazirliyinə təqdim ediləcəkdir.
Tikintiyə 2009-cu ildə başlayıb onu 2011-ci ildə başa çatdırmaq nəzərdə tutulur.
Bölmənin digər xəbərləri
