Yerli şirkətlər investisiya layihələrini Səudiyyə Ərəbistanın müvafiq qurumuna təqdim ediblər
Bakı, 11 dekabr, AZƏRTAC
Kiçik və Orta Biznesin İnkişafı Agentliyinin (KOBİA) təşkilatçılığı ilə investisiya əməkdaşlığına dair Azərbaycan-Səudiyyə Ərəbistanı dəyirmi masası təşkil olunub.
KOBİA-dan AZƏRTAC-a bildirilib ki, Agentliyin İdarə Heyətinin sədri Orxan Məmmədov və Azərbaycanda İxracın və İnvestisiyaların Təşviqi Fondunun (AZPROMO) nümayəndəsi Zöhrab Qədirov ölkəmizə investisiya qoyuluşu imkanları, eləcə də hər iki qurum tərəfindən xarici investorlara göstərilən dəstək və xidmətlər barədə məlumat veriblər.
Dəyirmi masada Azərbaycanın 10-a yaxın şirkəti potensial layihələrini Səudiyyə Ərəbistanı Krallığının Milli Şirkətlərin Təşviqi Proqramının (NCPP) baş direktoru Bədr Əl Bədrin rəhbərlik etdiyi nümayəndə heyətinə təqdim edib, əməkdaşlığa və potensial layihələrin reallaşdırılmasına dair müzakirələr aparılıb.
Bölmənin digər xəbərləri
