Yevlaxda icazəsiz ova cəhd edən şəxs cərimələnib
Bakı, 2 oktyabr, AZƏRTAC
Ekologiya və Təbii Sərvətlər Nazirliyinin 8 saylı Regional Ekologiya və Təbii Sərvətlər İdarəsinin əməkdaşları Yevlax rayonunun “Qazandağı” adlanan ərazisində icazəsiz ova cəhd edən şəxsi saxlayıblar. Ondan ov tüfəngi götürülüb.
Nazirliyin mətbuat xidmətindən AZƏRTAC-a bildiriblər ki, araşdırma zamanı brakonyerin Goranboy rayon sakini Firəddin Kərimov olduğu müəyyənləşib. Faktla bağlı F.Kərimov barəsində protokol tərtib edilib və ona inzibati qaydada 1000 manat məbləğində cərimə tətbiq olunub.
Bölmənin digər xəbərləri
