YOL HƏRƏKƏTİ QAYDALARININ POZULMASINA GÖRƏ CƏZA SƏRTLƏŞDİRİLİR
AZƏRTAC-ın İTAR-TASS agentliyindən aldığı xəbərdə deyilir ki, İtaliyada yol hərəkətinin yeni qaydaları tətbiq edilmişdir. Yol polisi əməkdaşlarının fikrincə, sərt qayda-qanun, yeni cəza sistemi yollarda özbaşınalığa, dəlisovluğa son qoyacaqdır. Müxtəlif pozuntulara görə cərimənin məbləği artırılmış, müstəsna hallar üçün isə 100 min avroya qaldırılmışdır.
Yol hərəkəti qaydalarının yeni məcəlləsi bu həftədən qüvvəyə minir. Bu məcəlləyə uyğun olaraq, maşın sürərkən cib telefonu ilə danışmağa görə cərimə 32 avrodan 68,25 avroyadək artırılmışdır. Qırmızı işığa məhəl qoymayıb küçəni keçən sürücülər 137,55 avro, sürəti saatda 40 kilometrdən yuxarı qaldıranlar isə 343,35 avro məbləğində cərimə ödəyəcəklər.
Bölmənin digər xəbərləri
