YOL QƏZALARI 3 NƏFƏRİN ÖLÜMÜNƏ VƏ BİR ÇOX SƏRNİŞİNİN XƏSARƏT ALMASINA SƏBƏB OLMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, aprelin13-də Nərimanov rayonu ərazisindəki Z.Bünyadov prospektində Bakı şəhər sakini Vahid Məmmədovun idarə etdiyi “Mercedes” markalı və Nazim Nəcəfova məxsus ”VAZ-2102” markalı avtomaşınlar toqquşmuşdur.
Qəzada avtomobilin xəsarət almış sürücüsü N.Nəcəfov və sərnişinlər, xəstəxanaya yerləşdirilmişlər.
Bərdə rayonunun Soğanverdilər kəndi ərazisində Bakı şəhər sakini Xanlar Həsənov sürdüyü “Mercedes” markalı avtomaşını elektrik dirəyinə vurmuş və hadisə yerində ölmüşdür.
Avtomobilin xəsarət almış sərnişini, Xanərəb kənd sakini Elgün Əsgərov isə xəstəxanaya yerləşdirilmişdir.
Şəmkir rayonunun Könüllü kəndi ərazisində Türkiyə vətəndaşı Calal Eztura idarə etdiyi “Mercedes” markalı avtobusu aşırmışdır.
Avtobusun sərnişinlərindən Qazax rayon sakini Elxan Abdullayev hadisə yerində ölmüş, xəsarət almış Calal Eztura və 17 nəfər sərnişin xəstəxanaya yerləşdirilmişlər.
Siyəzən rayonu ərazisində Qobustan rayon sakini Ceyhun Aslanovun “Ford” markalı və Ceyhun Xudaverdiyevin “VAZ-2106” markalı avtomaşınları toqquşmuş, “jiquli”nin sürücüsü hadisə yerində ölmüşdür.
Faktlarla bağlı cinayət işi açılmış, təhqiqat aparılır.
Bölmənin digər xəbərləri
