Yurgen Klopp İngiltərə klublarının Çempionlar Liqasında üstün mövqedə olacaqlarına inanmır
Bakı, 29 avqust, AZƏRTAC
İngiltərənin “Liverpul” klubunun baş məşqçisi Yurgen Klopp hesab edir ki, İngiltərə komandaları bu mövsümdə Çempionlar Liqasında üstün olmayacaqlar. AZƏRTAC “Qazeta.Ru”ya istinadla xəbər verir ki, bu barədə məlumatı “Goal.com” portalı yayıb.
Çempionlar Liqasının püşkatma mərasimi bu gün Monakoda keçiriləcək. Mərasim axşam saat 8-də başlayacaq.
Klopp deyib: “Bizim qələbə şansımız başqalarının şansı qədərdir. Hesab etmirəm ki, İngiltərə komandaları başqalarından üstün olacaqlar. Keyfiyyətli oyun nümayiş etdirən çoxlu komanda, o cümlədən “Yuventus”, “Pari Sen-Jermen” kimi komandalar gərgin mübarizə şəraiti yaradacaqlar.
Turnirin əsas favoritini göstərməkdə çətinlik çəkən alman mütəxəssis deyib: “Qruplar inanılmaz oyun nümayiş etdirib. Çempionlar Liqasında kimin qələbə çalacağı barədə heç bir təxminim yoxdur”.
“Liverpul” ötən mövsümdə İngiltərənin digər klubunu - “Tottenhem”i 2:0 hesabı ilə məğlub edərək Çempionlar Liqasının qalibi olub. 2018/2019-cu illər mövsümündə turnirdə “Liverpul”, “Tottenhem”, “Mançester Siti” və “Mançester Yunayted” iştirak ediblər. İndiki mövsümdə Çempionlar Liqasında “Liverpul”, “Çelsi”, “Tottenhem”, “Mançester Siti” iştirak edəcəklər.
Bölmənin digər xəbərləri
