Yuxu ilə bağlı problemlər Alsheymer xəstəliyinin inkişaf riskini 1,5 dəfə artırır
Baş beyinin neyronları sağlam gecə yuxusu zamanı istirahət edir və möhkəmlənir. Qocalma insanın təkcə fiziki deyil, həm də əqli gücünün zəifləməsi ilə bağlıdır. Daim stress vəziyyətində olan, doyunca yatmayan beyin insan yaşa dolduqca daha bu yükü qaldıra bilmir. Nəticədə səciyyəvi nasazlıqlar yaranır, Alsheymer xəstəliyinin əlamətləri görünməyə başlayır.
AZƏRTAC “Zee News” nəşrinə istinadla xəbər verir ki, yuxu ilə bağlı problemlər Alsheymer xəstəliyinin inkişaf riskini 1,5 dəfə artırır.
Belə qənaətə Uppsala Universitetitnin (İsveç) alimləri gəliblər. Onlar 50 yaşında min kişinin iştirakı ilə tədqiqat aparıblar. Mütəxəssislər könüllülərə qırx il nəzarət ediblər. Onları ilk növbədə həmin adamlarda yuxunun keyfiyyəti və Alsheymer xəstəliyinin əlamətlərinin inkişafı maraqlandırıb.
Alimlər müəyyən ediblər ki, sağlam həyat tərzi, düzgün qidalanma və vaxtdan səmərəli istifadə baş beyin xəstəlikləri riskini azaltmağa imkan verir. Həmin fakt Alsheymer xəstəliyinin inkişafına çoxsaylı amillərin təsir etdiyini göstərir. Bu xəstəlik genlərdən daha çox insanı əhatə edən xarici amillərdən asılıdır.
Bölmənin digər xəbərləri
