ZAQATALADA MƏHSUL İSTEHSALÇILARINA YARDIMLARIN VERİLMƏSİ DAVAM ETDİRİLİR
Zaqatala Rayon İcra Hakimiyyətindən AZƏRTAC-ın müxbirinə bildirmişlər ki, Azərbaycan Prezidentinin “Kənd təsərrüfatı məhsulları istehsalçılarına dövlət dəstəyi haqqında” 2007-ci il 23 yanvar tarixli Sərəncamına əsasən, cari ildə rayon üzrə 12 min 151 torpaq mülkiyyətçisinə 23 min 138 hektar əkin sahəsini becərdiklərinə görə dövlət büdcəsindən 925 min 520 manat yardım verilməsi qərara alınmışdır. Bununla bağlı müvafiq sənədlər Respublika Komissiyasında baxılıb təsdiqlənmişdir.
Xatırladaq ki, 2007-ci ildə zaqatalalı fermerlər dövlət büdcəsindən 824 min manat yardım almışlar. Bundan başqa, ötən il rayonun 1664 buğda istehsalçısına dövlət büdcəsindən 198 min 918 manat əlavə yardım da verilmişdi.
Bölmənin digər xəbərləri
