Zərdabda taxıl biçini - orta məhsuldarlıq ötənilki göstəricidən 2,5 sentner çoxdur
Zərdab, 31 may, AZƏRTAC
Zərdab rayonunda taxıl biçini kampaniyasına mütəşəkkil hazırlıqlar başlanılıb və ilk günlərdən zəmilərə 13 kombayn çıxarılıb.
Rayon icra hakimiyyətindən AZƏRTAC-ın müxbirinə bildirilib ki, cari ilin məhsulu üçün bölgədə 18 min 653 hektarda taxıl yetişdirilib. Bunun 12 min 915 hektarı buğda, 5 min 738 hektarı isə arpadır. İlkin olaraq arpa biçilir. Qısa müddətdə 270 hektar sahənin məhsulu yığılıb. Hələlik hər hektardan orta məhsuldarlıq 27,8 sentnerdir. Bu, ötənilki göstəricidən 2,5 sentner çoxdur. Rayonun bir sıra ərazi vahidlərində, o cümlədən Bəyimlidə, Yuxarı Seyidlərdə, Bıçaqçıda, Şıxbağıda daha yüksək məhsuldarlıq əldə olunur.
Taxılçılıqla məşğul olan fermerlər, eləcə də fiziki şəxslər biçin kampaniyasının vaxtında və itkisiz başa çatdırılması üçün bütün qüvvələri səfərbər ediblər.
Bölmənin digər xəbərləri
