ZIĞ ŞOSESİ-ZIĞ-HÖVSAN-HAVA LİMANI AVTOMOBİL YOLUNUN BETONLANMASINA BAŞLANMIŞDIR
AZƏRTAC xəbər verir ki, “Akkord” Şirkətlər Qrupu Zığ şosesi-Zığ-Hövsan- Hava Limanı avtomobil yolunun betonlanmasına başlamışdır.
Betonlanma işləri “SP Papenburg Baugesellschaft mbH” şirkətinin ən müasir betonsalan maşınları vasitəsilə həyata keçirilir. Yol cəkilişinə cəlb edilmiş yerli və xarici mütəxəssislər üçnövbəli iş rejimində işləyirlər.
Betonsalan maşın gün ərzində 1 kilometr yol çəkmək gücünə malikdir. Maşının betonla təchizatını ərazidə inşa edilmiş 4 zavod yerinə yetirir. 
Respublikamızda ilk dəfə inşa edilən və uzunluğu 17 kilometr, eni 29,5 metr olacaq bu dəmir-beton örtüklü yola 30 ildən artıq dövr üçün təminat verilir.
Yolun cəkilişi 2008-ci ilin yanvarında başa çatacaqdır.
Bölmənin digər xəbərləri
