“ZOLOTOY VİTYAZ” BEYNƏLXALQ KİNOFORUMUNDA AZƏRBAYCAN FİLMİ DƏ NÜMAYİŞ ETDİRİLƏCƏKDİR
AZƏRTAC “Azərbaycan Televiziya və Radio Verilişləri” QSC-nin mətbuat xidmətinə istinadla xəbər verir ki, burada 2007-ci ildə rejissor Tahir Əliyevin quruluşunda istehsal olunmuş “Səhra gülü” sənədli filmi Moskvada keçiriləcək “Zolotoy Vityaz” Beynəlxalq Kinoforumuna dəvət almışdır.
Mayın 22-dən 31-dək davam edəcək Kinoforumda 35-ə yaxın ölkədən 300 kinematoqrafın 250-dən artıq filmi nümayiş olunacaqdır.
Xatırladaq ki, nüfuzlu beynəlxalq tədbirdə ölkəmizi təmsil edəcək “Səhra gülü” filimində 2-ci Dünya müharibəsində əsir düşmüş azərbaycanlı döyüşçü Əhəd Əliyevlə Çexiyanın Sudet əyalətindən olan alman qadın Erika Hanpelin əfsanəvi məhəbbətindən danışılır.
Bu, “Səhra gülü”nün iştirak etdiyi üçüncü beynəlxalq kinofestivaldır.
Bölmənin digər xəbərləri
