14 iyul Azərbaycanda milli intibahın başlanğıc tarixidir
Göyçay, 14 iyul (AZƏRTAC). Göyçay Dövlət İdarəetmə və Texnologiya Kollecində ulu öndər Heydər Əliyevin Azərbaycanda siyasi hakimiyyətə gəlişinin 45 illiyi münasibətilə “14 iyul Azərbaycanda milli intibahın başlanğıc tarixidir” mövzusunda elmi-nəzəri konfrans keçirildi.
AZƏRTAC xəbər verir ki, tədbir iştirakçıları əvvəlcə dahi şəxsiyyət Heydər Əliyevin abidəsini ziyarət edərək önünə gül-çiçək dəstələri qoydular. Konfransda çıxış edənlər ulu öndər Heydər Əliyevin 1969-cu ildə hakimiyyətə gəlişindən, ölkəmizin inkişafında onun əvəzsiz xidmətlərindən danışdılar. Tədbirdə “14 iyul 1969-cu ildə ümummilli lider Heydər Əliyevin Azərbaycanda siyasi hakimiyyətə gəlişi tarixi zərurət idi”, “1969-1982-ci illər Azərbaycanın iqtisadi, sosial-mədəni tərəqqisi və milli oyanış mərhələsidir”, “1969-1982-ci illərdə Azərbaycanda həyata keçirilən siyasət müstəqilliyə hazırlıq mərhələsi idi”, “Ümummilli lider Heydər Əliyevin ikinci dəfə siyasi hakimiyyətə gəlişi müstəqilliyimizin qorunub möhkəmləndirilməsinə etibarlı təminat idi” mövzularında məruzələr dinlənildi.
Bölmənin digər xəbərləri
