1 İYUN - UŞAQLARI BEYNƏLXALQ MÜDAFİƏ GÜNÜ MÜNASİBƏTİLƏ QANVERMƏ AKSİYASI KEÇİRİLMİŞDİR
AZƏRTAC xəbər verir ki, iyunun 1-də B.Eyvazov adına Elmi Tədqiqat Hematologiya və Transfuziologiya İnstitutunda “İRƏLİ” Ümumirespublika Gənclər Hərəkatı (ÜGH) Vətənpərvərlər Klubunun təşəbbüsü ilə 1 İyun - Uşaqları Beynəlxalq Müdafiə Günü münasibətilə talassemiyalı xəstə körpələr üçün “Qan ver və yaşat” adlı aksiya keçirilmişdir.
Cəmiyyətdə sosial problemlərin mövcudluğu, qohum nikahlarının sayının artması nəticəsində, xüsusilə uşaqlar arasında geniş yayılmış qan xəstəliklərinin çoxalması müşahidə olunur.
Aksiyanın məqsədi qan xəstəliyindən əziyyət çəkən uşaqların donor qanla təchiz olunmasına töhfə verməkdir.
“İRƏLİ” ÜGH, eyni zamanda, cəmiyyət arasında maarifləndirmə işi aparmaq məqsədi ilə həkimlər, psixoloqlar və yaşlı nəslin nümayəndələrinin iştirakı ilə gənc ailələrlə və ailə qurmağa hazırlaşan gənclərlə mövzu ilə bağlı diskussiyalar təşkil etməyi planlaşdırır.
Bölmənin digər xəbərləri
