İDMAN


2021-ci ildə çimərlik futbolu üzrə dünya çempionatı harada keçiriləcək?

Bakı, 11 sentyabr, AZƏRTAC 

Beynəlxalq Futbol Federasiyasının mətbuat xidmətinin verdiyi məlumata görə, Rusiya, Çili və Salvador 2021-ci ildə çimərlik futbolu üzrə dünya çempionatına ev sahibliyi etmək iddiasında olduqlarını bildiriblər.

AZƏRTAC TASS agentliyinə istinadla xəbər verir ki, Rusiya Futbol İttifaqı Moskvanın 2021-ci ildə çimərlik futbolu üzrə dünya çempionatına ev sahibliyi etmək üçün sifariş verəcəyini hələ iyunun axırlarında elan etmişdi. FIFA-nın mətbuat xidmətinin məlumatında qeyd edilir ki, həmin turnirin harada keçiriləcəyi barədə qəti qərar FIFA Şurasının bu il oktyabrın 23-24-də Çində keçiriləcək iclasında qəbul ediləcək.

2019-cu ildə çimərlik futbolu üzrə dünya çempionatı noyabrın 21-dən dekabrın 1-dək Paraqvayda keçiriləcək. Rusiya indiyə qədər çimərlik futbolu üzrə dünya birinciliyinə ev sahibliyi etməyib. İdmanın bu növü üzrə Rusiya yığması ikiqat dünya çempionudur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.