20 YANVAR ŞƏHİDLƏRİNİN AİLƏLƏRİ İLƏ GÖRÜŞ KEÇİRİLMİŞDİR
Fondun və İstanbul Beynəlxalq Qardaşlıq və Yardımlaşma Assosiasiyasının prezidenti Əhməd Tecim, Nazirlər Kabineti Aparatının Qaçqınların, məcburi köçkünlərin problemləri, miqrasiya və beynəlxalq təşkilatlarla iş şöbəsinin müdiri Qurban Sadıqov, 20 Yanvar Fondunun sədri Nəsib Azər çıxışlarında bildirmişlər ki, XX əsrdə totalitarizmin həyata keçirdiyi ən qanlı terror aktlarından biri olan 20 Yanvar qırğını Azərbaycan xalqına, ümumiyyətlə, humanizmə və insanlığa qarşı yönəldilmiş dəhşətli cinayətdir. Hələ həmin gecə sovet rejiminin hərbi, siyasi və mənəvi təcavüzünə məruz qalmış xalqımız öz tarixi qəhrəmanlıq ənənələrinə sadiq olduğunu bütün dünyaya bir daha nümayiş etdirdi. Azərbaycanın müstəqilliyi uğrunda canlarından keçmiş Vətən övladları Qanlı Yanvarda xalqımızın qəhrəmanlıq salnaməsinə parlaq səhifə yazdılar.
Natiqlər ümummilli liderimiz Heydər Əliyevin və Prezident İlham Əliyevin şəhid ailələrinə göstərdikləri qayğı və diqqəti xüsusi vurğulamışlar.
Görüşdə 20 Yanvar şəhidlərinin ailələrinə və qazilərinə göstərdikləri qayğıya,Türkiyə və Azərbaycan arasında dostluq və qardaşlıq əlaqələrinin daha da genişləndirilməsində səmərəli fəaliyyətlərinə görə Əhməd Tecimə və onun müavini Salman Əliyevə Fondun Fəxri fərmanı təqdim olunmuşdur.
Şair Məmməd Aslan qanlı 1990-cı ildə faciədən bir neçə gün sonra yazdığı məşhur ”Ağla, Qərənfil, ağla!” şeirini söyləmiş, şəhidlərin ruhuna dualar oxunmuşdur.
160 şəhid ailəsinə ərzaq yardımı verilmişdir.
