“28 Cinema”da treninqlər keçirilmişdir
Bakı, 30 oktyabr (AZƏRTAC). Türkiyənin məşhur satış üzrə ekspertlərindən sayılan Sinan Ergin Azərbaycanın premium səviyyəli kinoteatrı və bir çox korporativ tədbirlərin keçirildiyi “28 Cinema”da “Marketinq və satışın sirləri” və “Qərar qəbuletmə və liderlik sənəti” mövzularında treninq keçirmişdir.
Sinan Ergin təlimlərində marketinq və satışın, qərar qəbuletmə və lider olmağın sirlərini Bakıda ilk dəfə tədbir iştirakçıları ilə bölüşmüşdür.
“28 Cinema” bu tədbirin təşkilatçılarından olan “Asemble” şirkəti ilə mütəmadi olaraq silsilə treninq və seminarlar keçirəcəkdir.
Bu məkanda indiyədək bir çox tədbirlər, o cümlədən “Tuborg” və “Samsung” şirkətlərinin yeni məhsullarının təqdimatları, birinci Milli marketinq forumu və başqa korporativ tədbirlər keçirilmişdir.
“28 Cinema” kinoteatrı Enhanced 4K müasir texnologiyasına əsaslanan, Barco yeni nəslindən olan proyektorlar və 3D Xpand texnologiyalı eynəklər təqdim edir. “28 Cinema” “Platinum movie suites” zalı daxil olmaqla 6 zaldan ibarətdir və kinoteatrın ərazisində “Blackberry” restoranı və “Cappuccino coffee house” yerləşir.
Bölmənin digər xəbərləri
