DÜNYA


300 milyon avroluq barışıq sazişi

Brüssel, 10 avqust, AZƏRTAC

Belçikanın ali ədliyyə orqanları və Britaniyanın HSBC Bankı arasında rəsmi Brüsselin bu banka qarşı iddialarına xitam vermək məqsədilə barışıq sazişi (“məhkəmədənkənar” saziş) bağlanıb. HSBC Bankı özünün İsveçrədəki filialları vasitəsilə Belçika vətəndaşlarının (o cümlədən yüksəkvəzifəli məmurların) gəlirlərini gizlətməsinə və vergidən yayınmasına kömək etməyə yönəlmiş qeyri-leqal xidmətlər göstərməkdə ittiham edilir.

AZƏRTAC xəbər verir ki, barışıq sazişinin məbləği 300 milyon avroya çatıb.

Qalmaqal hələ 2010-cu ildə başlanıb. O vaxt Fransa polisi HSBC-nin Cenevrə bölməsində bəyan edilməmiş bank hesabları olan Belçika vətəndaşlarına dair məlumatların yazıldığı kompakt diskləri (CD) belçikalı həmkarlarına verib.

Pərvanə Qarayeva

AZƏRTAC-ın xüsusi müxbiri

Brüssel

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.