84 YAŞLI AMERİKALI QADIN KAZİNODA 10 MİLYON DOLLAR UDMUŞDUR

22.04.2006 [22:36]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, 84 yaşlı amerikalı qadın Cozefin Krouford Atlantik-Siti şəhərinin kazinolarından birində 10 milyon dollar udmuşdur. O, şəhərin on iki oyun salonunda 4 il ərzində yığılmış cekpotu qazana bilmişdir. Cozefin kazinoda keçirdiyi bir axşam ərzində cibində qalan axırıncı 5 dolları oyuna qoyandan sonra bu məbləği udmuşdur. 1978-ci ildən kazinonun daimi müştərisi olan Cozefin iki dəfə bir neçə min dollar udmuşdu.

Krouford jurnalistlərə demişdir ki, uduşu hansı şəkildə alacağını qərarlaşdırmayıbdır. Əgər bütün məbləği birdəfəyə alsa, pulun yarısını vergi orqanlarına ödəməli olacaqdır. Ancaq uduşu 25 il ərzində almaqla, büdcəyə ödəmədə qənaət edər.

Krouford yaxın vaxtlarda övladlarını və nəvələrini vətəni İtaliyaya aparmaq niyyətindədir. Bir neçə il əvvəl dul qalmış qadın jurnalistlərə bildirmişdir ki, qonşularından ona evlənmək istəyənlər də tapılmışdır.

84 YAŞLI AMERİKALI QADIN KAZİNODA 10 MİLYON DOLLAR UDMUŞDUR

MÜƏLLİFLƏ ƏLAQƏ

Bölmənin digər xəbərləri