Akademik Akif Əlizadənin “Azərbaycan elmi: gələcəyə baxış” kitabının birinci cildi nəşr olunub
Bakı, 8 iyul, AZƏRTAC
AMEA-nın Geologiya və Geofizika İnstitutunun baş direktoru akademik Akif Əlizadənin ikicildlik “Azərbaycan elmi: gələcəyə baxış” kitabının birinci cildi çapdan çıxıb.
Bu barədə AZƏRTAC-a AMEA-dan bildirilib. Akademik Teymur Kərimlinin ümumi redaktorluğu ilə ərsəyə gəlmiş kitabın tərtibçiləri texnika elmləri doktoru Vaqif İbrahimov və geologiya-mineralogiya elmləri üzrə fəlsəfə doktoru Yeganə Lətifovadır.
Nəşrdə görkəmli geoloq alim və elm təşkilatçısı akademik Akif Əlizadənin seçilmiş məruzələri, çıxışları, məqalələri, həmçinin onunla aparılmış müsahibələr yer alıb.
Kitabda təqdim olunan materiallar 2000-2021-ci illəri əhatə edir və Azərbaycan Respublikasında fundamental elmin inkişafının geniş spektrdə aktual, eyni zamanda, problemli məsələlərinə dair müəllif mövqeyini ehtiva edir. Nəşrdə, həmçinin indiki Geologiya və Geofizika İnstitutuna 1976-cı ildən fasiləsiz rəhbərlik edən Akif Əlizadənin əvvəlki illərdəki elmi-təşkilati fəaliyyətinin bəzi məqamları da yer alıb. Kitabda oxuculara alimin hərtərəfli fəaliyyətini əks etdirən rəngli fotolar bloku da təqdim edilir.
Bölmənin digər xəbərləri
