Azərbaycan Dövlət İnformasiya Agentliyi

Azərbaycan Prezidenti İlham Əliyev xalqa müraciət edib YENİLƏNİB VİDEO

Bakı, 27 sentyabr, AZƏRTAC

Sentyabrın 27-də Azərbaycan Respublikasının Prezidenti İlham Əliyev xalqa müraciət edib.

AZƏRTAC dövlətimizin başçısının müraciətini təqdim edir.

Prezident İlham Əliyevin xalqa
müraciəti

-Bu gün səhər Ermənistan silahlı qüvvələri bir neçə istiqamətdən müxtəlif növ silahlardan, o cümlədən ağır artilleriyadan istifadə edərək bizim yaşayış məntəqələrimizi, eyni zamanda, hərbi mövqelərimizi atəşə tutmuşdur.

Düşmən atəşi nəticəsində mülki əhali və hərbçilərimiz arasında itkilər, yaralananlar var. Allah şəhidlərimizə rəhmət eləsin! Onların qanı yerdə qalmayacaqdır. Azərbaycan Ordusu hazırda düşmənin hərbi mövqelərinə atəşlər, zərbələr endirir və bu zərbələr nəticəsində düşmənin bir çox hərbi texnikaları sıradan çıxıb. Bu, erməni faşizminin növbəti təzahürüdür.

Son vaxtlar Ermənistanın Azərbaycana qarşı hərbi təxribatları müntəzəm xarakter almışdır. İyul ayında Ermənistan-Azərbaycan dövlət sərhədinin Tovuz istiqamətində yenə də artilleriya atəşi nəticəsində hərbçilərimiz və bir mülki şəxs həlak olmuşdur. Heç kəsə sirr deyil ki, ilk atəşi, o cümlədən artilleriya atəşini Ermənistan açıbdır və ilk həlak olanlar da məhz Azərbaycan hərbçiləri olmuşdur. Azərbaycan düşmənə layiqli cavabını verdi və düşmən bir santimetr irəliyə gedə bilmədi. Düşmən dayandırıldı, ölkəmizin ərazi bütövlüyü qorundu. Sarsıdıcı zərbələr nəticəsində Ermənistan tərəfi məcbur olub acı məğlubiyyətlə razılaşdı. Mən bu barədə demişəm, bir daha demək istəyirəm, əgər bizim istəyimiz olsaydı, hərbi döyüşləri Ermənistan ərazisinə keçirə bilərdik. Ancaq bizim Ermənistan ərazisində hərbi hədəflərimiz yoxdur və belə olan halda bir neçə gündən sonra atəş dayandırılmışdır.

Ermənistan bu təxribatı törətməklə hansı məqsədi güdürdü? İlk növbədə, Azərbaycan torpaqlarının işğalı onların planındadır və onlar bunu gizlətmirlər. Onların hərbi-siyasi rəhbərliyi Azərbaycanı yeni işğalla hədələməyə çalışırdı, yeni ərazilər uğrunda yeni işğal siyasəti. Budur, bu gün Ermənistan hərbi-siyasi rəhbərliyinin siyasəti. Digər səbəb Ermənistanda mövcud olan çox ciddi sosial, iqtisadi və siyasi məsələlərdən ölkə əhalisinin fikrini yayındırmaq və Azərbaycandan düşmən obrazı yaratmaqdır. Daha bir səbəb isə ondan ibarətdir ki, Ermənistan hər vəchlə çalışır ki, danışıqlar prosesi pozulsun və deyə bilərəm ki, buna nail olub. Məhz Ermənistanın riyakar, qeyri-konstruktiv və yalançı siyasəti nəticəsində hazırda danışıqlar faktiki olaraq dayanıbdır. Növbəti təxribatın törədilməsi məhz bu məqsədləri güdür və bu məqsədlər onlar üçün əsas məqsədlərdir.

İyul ayında Azərbaycan düşmənə layiqli cavabını verdi, öz ərazi bütövlüyünü qorudu və bir daha göstərdi ki, Azərbaycanla hədə-qorxu dili ilə danışan bundan peşman olacaqdır. Əfsuslar ki, bu, onlar üçün dərs olmadı. Halbuki mən iyul təxribatından sonra demişdim ki, Ermənistanın bu acı məğlubiyyəti onlar üçün dərs olmalıdır.

Avqust ayında Ermənistan növbəti hərbi təxribata əl atdı. Bu dəfə Azərbaycana diversiya qrupu göndərilmişdir. Diversiya qrupunun başçısı Azərbaycan hərbçiləri tərəfindən saxlanılmışdır və hazırda ifadələr verir. Bu ifadələrdə açıq-aydın göstərilir ki, bu planlaşdırılmış təxribatçı diversiya qrupu Azərbaycana terror aktları törətmək üçün gəlmişdir. Mülki əhaliyə və hərbçilərimizə qarşı növbəti hərbi təxribat bu gün Ermənistan tərəfindən törədildi və qeyd etdiyim kimi, bu dəfə də onlar öz cəzasını alıblar və alacaqlar.

Ermənistanın təxribatları, eyni zamanda, Ermənistan rəhbərliyi tərəfindən verilən bəyanatlarda da öz əksini tapır. Ermənistanın baş naziri bir il bundan əvvəl işğal edilmiş torpaqlarda - Xankəndidə demişdir ki, “Qarabağ Ermənistandır və nöqtə”. Birincisi bu, yalandır, Qarabağ Azərbaycandır və mən bu məsələ ilə bağlı öz fikirlərimi dəfələrlə bildirmişəm. Qarabağ Azərbaycandır və nida işarəsi. İkincisi, bu təxribat xarakterli bəyanat faktiki olaraq danışıqlar prosesinə vurulan böyük zərbə idi. Əgər Ermənistanın baş naziri deyirsə ki, “Qarabağ Ermənistandır”, onda hansı danışıqlardan söhbət gedə bilər?! Bununla paralel olaraq, Ermənistanın rəhbərliyi artıq iki il ərzində dəfələrlə bəyan edir ki, Azərbaycan Ermənistanla yox, qondarma “Dağlıq Qarabağ respublikası” ilə danışıqlar aparmalıdır. Bu da danışıqlar prosesinə vurulan böyük zərbədir. İlk növbədə, Azərbaycan heç vaxt oyuncaq xunta rejimi ilə hər hansı bir danışıqlar aparmayacaq. İkincisi, danışıqlar formatını dəyişdirmək cəhdləri bir daha onu göstərir ki, Ermənistanın əsas məqsədi danışıqları pozmaq və status-kvonu saxlamaqdır. Halbuki ATƏT-in Minsk qrupunun həmsədr ölkələrinin dövlət başçıları dəfələrlə bəyan etmişlər ki, status-kvo qəbul edilməzdir və bu, o deməkdir ki, işğala son qoyulmalıdır.

Ermənistanın bizə qarşı təxribatları bu faktlarla bitmir. Bu yaxınlarda bizim qədim Azərbaycanın qədim şəhəri olan Şuşada qondarma kriminal xunta rejiminin başçısının “andiçmə” mərasimi keçirilmişdir. Bu, təxribat deyilmi? Bu, bizə qarşı təhqirdir. Onlar hesab edirdilər ki, biz bu təhqirlə barışacağıq, razılaşacağıq. Onlar bizi şüurlu şəkildə təxribatlara çəkirlər və bunun acı nəticələrini görəcəklər.

Bu yaxınlarda qondarma “Dağlıq Qarabağ respublikası” parlamentinin qədim Azərbaycan şəhəri - Şuşaya köçürülməsi haqqında qərar qəbul edildi. Bu, növbəti təxribatdır. Bu yaxınlarda Ermənistanın baş naziri bəyan etmişdir ki, on minlərlə insanı birləşdirən “könüllü” hərbi birləşmələr yaradılacaqdır. Bu, nə üçün lazımdır? Bunlar kimə qarşı vuruşacaqlar? Bu, Azərbaycana qarşı bu gün törədilən təxribatın hazırlıq mərhələsi idi. Mən artıq bir neçə dəfə demişdim, o cümlədən bu yaxınlarda BMT kürsüsündən demişdim ki, Ermənistan yeni müharibəyə hazırlaşır, Ermənistan dayandırılmalıdır və dayandırılacaqdır.

Ermənistan işğal edilmiş torpaqlarda qanunsuz məskunlaşma siyasəti aparır. Bu yaxınlarda Livan ermənilərindən ibarət bir neçə ailə Dağlıq Qarabağa, o cümlədən Azərbaycanın qədim şəhəri olan Şuşaya yerləşdirildi. Bu, hərbi cinayətdir. Bu, Cenevrə Konvensiyasına tamamilə ziddir. Bu cinayətə görə Ermənistan cavab verəcəkdir. Bu, bizə qarşı növbəti təxribatdır. İşğal edilmiş torpaqlarda məskunlaşma aparmaq cinayət hesab olunur və bu siyasət Ermənistan tərəfindən uzun illər ərzində aparılır. İş burasındadır ki, Ermənistanda mövcud olan ağır iqtisadi, siyasi və sosial vəziyyətə görə ölkə əhalisi azalır. Ermənistanda demoqrafik böhran yaşanır və onlarda insan resursları yoxdur ki, işğal edilmiş torpaqlarda öz adamlarını yerləşdirsinlər. Ona görə xaricdə yaşayan ermənilərə ümid edirlər. Hazırda bu siyasət davam etdirilir. Bununla paralel olaraq, bizdə olan dəqiq məlumata görə, bizim işğal edilmiş bəzi ərazilərimizdə Ermənistan qanunsuz məskunlaşma aparıbdır. Bizim rayonlarımızın, kəndlərimizin adları dəyişdirilir. Azərbaycanlıların tarixi irsi silinir. Bizim tarixi abidələrimiz dağıdılır. Azərbaycan məscidləri dağıdılır, təhqir edilir. Bizim məscidlərimizdə Ermənistan inək, donuz saxlayır. Bu, bütün müsəlman aləminə ən böyük təhqirdir. Bizim əcdadlarımızın qəbirləri traktorla dağıdılır. Bunu edən faşistlərdir, vandallardır, vəhşilərdir.

Eyni zamanda, işğal edilmiş torpaqlarda bu yaxınlarda keçirilmiş hərbi təlimlər bizim üçün Ermənistanın növbəti təxribatı sayılmalıdır. Çünki bu təlimlərin bir məqsədi var: Azərbaycana hücum etmək, mülki əhalini atəşə tutmaq və yeni torpaqları işğal etmək! Sadaladığım bütün faktlar bir daha onu göstərir ki, bu gün regionda təhlükə mənbəyi Ermənistandır və onun çirkin siyasətidir.

Azərbaycan heç bir təxribata əl atmamışdır. Azərbaycan, sadəcə olaraq, öz maraqlarını müdafiə edir, öz mövqeyini dəstəkləyir və öz siyasətini alnıaçıq aparır. Biz dəfələrlə bəyan etmişik ki, Dağlıq Qarabağ əzəli tarixi Azərbaycan torpağıdır və bu, həqiqətdir. Ermənistanın baş naziri deyəndə “Qarabağ Ermənistandır”, bu, yalandır. Mən deyəndə ki, “Qarabağ Azərbaycandır”, bu, həqiqətdir. Bütün dünya Dağlıq Qarabağı Azərbaycanın ayrılmaz hissəsi kimi tanıyır. Tarixi ədalət bizim tərəfimizdədir. Çünki bu, bizim doğma, dədə-baba torpağımızdır. Beynəlxalq hüquq bizim tərəfimizdədir. Bütün beynəlxalq təşkilatlar Azərbaycanın ərazi bütövlüyünü tanıyır. Bütün ölkələr Azərbaycanın ərazi bütövlüyünü tanıyır. Beynəlxalq təşkilatlar çərçivəsində qəbul edilmiş qərar və qətnamələr Dağlıq Qarabağın Azərbaycana məxsus olduğunu açıq-aydın təsbit edir. BMT Təhlükəsizlik Şurasının dörd qətnaməsində deyilir ki, erməni silahlı qüvvələri dərhal, tam və qeyd-şərtsiz işğal edilmiş torpaqlardan çıxarılmalıdır. Otuz ilə yaxındır ki, bu qətnamələr kağız üzərində qalır. Otuz ilə yaxındır ki, Minsk qrupu çərçivəsində danışıqlar aparılır və bunun sonunda Ermənistan müntəzəm olaraq hərbi təxribatlar törətməklə danışıqlar prosesini iflic vəziyyətə salıbdır. BMT-dən başqa bütün digər aparıcı beynəlxalq təşkilatlar bizim haqlı mövqeyimizi müdafiə edir. Qoşulmama Hərəkatı BMT-dən sonra ikinci ən böyük beynəlxalq təsisatdır ki, bu gün Azərbaycan bu təsisata sədrlik edir. Onlar münaqişə ilə bağlı ədalətli qətnamə qəbul etmişlər. İslam Əməkdaşlıq Təşkilatı ədalətli qətnamələr qəbul etmişdir. ATƏT-in qərarları, Avropa Parlamentinin qətnamələri bizim mövqeyimizi dəstəkləyir. Bizim mövqeyimiz beynəlxalq hüquqa və ədalətə əsaslanır. Biz öz torpağımızda vuruşuruq. Bu gün Azərbaycan Ordusu Azərbaycan torpaqlarında düşmənə sarsıdıcı zərbələr endirir. Bu gün Azərbaycan Ordusu öz torpağında Azərbaycanın ərazi bütövlüyünü qoruyur, müdafiə edir. Erməni əsgərinin bizim torpağımızda nə işi var?! Ermənistan ordusunun bizim torpağımızda nə işi var?! Heç kəs üçün sirr deyil ki, “Dağlıq Qarabağ ordusu”nun tərkibində olan şəxsi heyətin 90 faizi Ermənistan vətəndaşlarından ibarətdir. Ermənistan işğalçı dövlətdir, bu işğala son qoyulmalıdır və son qoyulacaqdır.

Biz haqq yolundayıq. Bizim işimiz haqq işidir. Biz zəfər çalacağıq! Qarabağ bizimdir, Qarabağ Azərbaycandır!

Xəbəri sosial şəbəkələrdə paylaşın

Bizi sosial şəbəkələrdə izləyin

VİDEO

Azərbaycan Prezidenti İlham Əliyev xalqa müraciət edib YENİLƏNİB VİDEO

Səbinə Ağayeva: Çətinliklərlə dolu bir dünyada uşaqlara parlaq illüstrasiyalı, pərilər və sehr haqqında hekayələrlə əsl nağıllar lazımdır - MÜSAHİBƏ

Mahir Emreli Almaniyanın “Kayzerslautern” klubuna transfer olunub

Azərbaycanlı alimlərin beynəlxalq simpoziumda məruzələri maraqla qarşılanıb

“Neftçi” legioner futbolçusu ilə vidalaşıb

Bakıda İtaliyanın Milli Günü münasibətilə rəsmi qəbul təşkil olunub

Şəhərlərarası müntəzəm avtobus marşrutları müsabiqəyə çıxarılır

İtaliya İsraillə İran arasında atəşkəsi alqışlayır

Bu gün müəllimlərin sertifikasiya imtahanında 97 faiz davamiyyət qeydə alınıb

Mədəniyyət naziri Zaqrebdə xorvatiyalı həmkarı ilə görüşüb

Papa Leo Dəməşqdəki kilsəyə hücumdan kədərlənir

Yunanıstanlı diplomatlar Azərbaycanın dəstəyi ilə İrandan təxliyə olunublar

İslam dünyası universitetləri ilə bağlı forumun iştirakçıları BDU-nun inkişaf istiqamətləri barədə məlumatlandırılıb

Naxçıvanda şəkərli diabetdən əziyyət çəkən uşaqlara pulsuz müasir qlükoz sensor cihazları təqdim olunub

Şah İsmayıl Xətaiyə həsr olunmuş konsert proqramı təşkil edilib

Qətər İsrail ilə İran arasında atəşkəs razılaşmasını alqışlayır

Ekspert: Bakı aşağıkarbonlu enerji həllərinin mərkəzinə çevrilə bilər - MÜSAHİBƏ

Füzuliyə köçürülən sakinlərdən 1097 şəxs məşğulluq tədbirlərinə cəlb olunub

Ərdoğan: Türkiyə İran və İsrail arasında atəşkəs razılaşmasına əməl olunmasına çağırır

Ankarada dövlət tibb müəssisələrinin rəhbər heyəti üçün keçirilən təlim başa çatıb

“8 Noyabr” Elektrik Stansiyasının açılışı Azərbaycanın enerji təhlükəsizliyini daha gücləndirəcək ŞƏRH

Konstitusiya Məhkəməsinin Plenumunun iclasında növbəti konstitusiya işinə baxılıb

“Baş” tamaşasına ictimai baxış keçirilib

Azərbaycan şərabları Norveç və İsveç bazarlarında təqdim olunub

Keçmiş məcburi köçkünlərin müraciətləri dinlənilib

Naxçıvan şəhərinin Baş planının hazırlanması Böyük Britaniya şirkətinə həvalə olunub

ABŞ mediası: Bölgədə Azərbaycanın əməkdaşlığı olmadan hər hansı ticarət təşəbbüsü uğursuzluğa məhkumdur

Azərbaycan gələn il bədii gimnastika üzrə Avropa Kubokuna ev sahibliyi edəcək

Milli Məclisin iclasında 12 məsələ müzakirə olunub YENİLƏNİB VİDEO

Milli Məclisin iclasında 12 məsələ müzakirə olunub YENİLƏNİB VİDEO

“Qərbi Azərbaycan İrsi” kitabının I cildinin təqdimat mərasimi olub

ADA Universitetində 8-ci Beynəlxalq Təhsil Konfransı keçirilir VİDEO

ADA Universitetində 8-ci Beynəlxalq Təhsil Konfransı keçirilir VİDEO

Cənub sərhədlərində təbii radiasiya fonunun artması halları qeydə alınmayıb – BİRGƏ MƏLUMAT

İqtisadi Şuranın növbəti iclası keçirilib

Cəmi 2 ilə inşa olunan “8 Noyabr” Elektrik Stansiyası

Ruben Vardanyanın məhkəməsində zərərçəkmiş şəxslər və zərərçəkmişlərin hüquqi varisləri ifadə veriblər VİDEO

Ruben Vardanyanın məhkəməsində zərərçəkmiş şəxslər və zərərçəkmişlərin hüquqi varisləri ifadə veriblər VİDEO

Mbappe klublararası dünya çempionatında növbəti oyunu da buraxa bilər

Somalidə silahlı qruplaşmanın 13 üzvü zərərsizləşdirilib

Vladimir Putin çoxfunksiyalı məlumat mübadiləsi xidmətinin yaradılması haqqında qanun imzalayıb

Azərbaycan GEANT-ın Baş Assambleyasının iclasında təmsil olunub

Rusiyanın Dneprə hücumu nəticəsində həlak olanların sayı yeddiyə çatıb

“Gənc istedadlar” liseyinin şagirdləri respublika fənn olimpiadalarında 7 medal qazanıblar

BMT əməkdaşlarının bir hissəsini İrandan çıxarır

İnformasiya Texnologiyaları İnstitutunun əməkdaşları TNC25 konfransında iştirak ediblər

Azərbaycan və İordaniyadan olan iki istedadlı sənətkarın duet-simpoziumu

Azərbaycan Respublikası Prezidentinin 2016-cı il 16 noyabr tarixli 1113 nömrəli Fərmanı ilə təsdiq edilmiş “Azərbaycan Respublikasının Mənzil İnşaatı Dövlət Agentliyinin sərəncamında olan mənzilləri vətəndaşların güzəştlə əldə etməsi Qaydası”nda dəyişiklik edilməsi haqqında
Azərbaycan Respublikası Prezidentinin Fərmanı

® İnvestisiya dünyasına “Birbank Invest”lə addım atın, daha çox qazanın!

Azərbaycan və BƏƏ xarici işlər nazirləri regional təhlükəsizlik məsələlərini müzakirə ediblər

Təxliyə olunan Çin vətəndaşı: Azərbaycanda özümü rahat hiss edirəm VİDEO

Təxliyə olunan Çin vətəndaşı: Azərbaycanda özümü rahat hiss edirəm VİDEO

Azərbaycanla Çin arasında viza rejiminin ləğvi ilə bağlı saziş gələn ay qüvvəyə minəcək

Atlantik okeanında böyüyən “soyuq ləkə” yaxınlaşan iqlim dəyişmələrindən xəbər verir

Bakıxanov qəsəbəsində yaşayış binasında baş verən yanğın söndürülüb

Xocalı rayonunda vergiödəyiciləri ilə görüş keçirilib

Nizami rayonunda nəqliyyatın hərəkəti qismən məhdudlaşdırılacaq

“Sabah” klubu Namik Ələskərovla yollarını ayırıb

IV Bakı Piano Festivalı çərçivəsində ədəbi müsabiqə keçirilib

Azərbaycanda kənd təsərrüfatına ayrılan subsidiyaların effektivliyinin artırılması istiqamətləri - seminar

DGK: Saxlanılan bağlamanızı gömrük orqanına gəlmədən də əldə edə bilərsiniz

BMU-da Pekin Kimya Texnologiyaları Universitetinin nümayəndələri ilə görüş keçirilib

Ağdərə sakini: Körpə olarkən tərk etdiyim Həsənrizə uşaqlarımla qayıtmışam

Azərbaycan XİN: İsrail ilə İran arasında atəşkəs elan edilməsini alqışlayırıq

Kənd təsərrüfatı nazirinin müavini Ağdamda vətəndaşların müraciətlərini dinləyib, təsərrüfatlara baş çəkib

Çexiyada bir vaxtlar “elita” üçün nəzərdə tutulan Çin avtomobilləri yığılacaq

ADPU-da “Code for Future” layihəsinin cari il üzrə yekun tədbiri keçirilib

Baş Narkotiklərlə Mübarizə İdarəsi 175 kiloqram narkotik vasitəni dövriyyədən çıxarıb VİDEO

Baş Narkotiklərlə Mübarizə İdarəsi 175 kiloqram narkotik vasitəni dövriyyədən çıxarıb VİDEO

Humanitar Kollecdə “Məzun günü” keçirilib

Çin Cənubi Asiya ölkələri ilə təqribən 1,2 milyard dollarlıq 163 müqavilə imzalayıb

Baş prokuror Binəqədi rayonunda vətəndaşların müraciətlərini dinləyib

Türkiyə XİN: İsrail ilə İran arasında atəşkəs xəbərlərini məmnunluqla qarşılayırıq

Türkiyə ilə əmək və məşğulluq sahəsində təcrübə mübadiləsi aparılır

UNEC-də “Açıq qapı” günü keçirilib

® “Expressbank” Samuxda sahibkarlarla görüşüb

Həsənriz sakini: Artıq bütün çətinliklər arxada qalıb

Respublika fənn olimpiadalarının qaliblərinə mükafatlar təqdim olunub

Naxçıvanda yanvar-may aylarında 341 nəfər özünüməşğulluq proqramı çərçivəsində aktivlərlə təmin olunub

Fövqəladə Hallar Nazirliyinin 20 illiyinə həsr olunmuş yarışlara start verilib

Dövlət orqanlarında vakant inzibati vəzifələrin tutulması məqsədilə daxili müsahibə elan edilir

Naxçıvan şəhərindəki DOST Mərkəzinin tikinti işlərinin 95 faizi yekunlaşıb

“Neftçi”nin baş məşqçisi Çempionlar Liqasının püşkatmasını dəyərləndirib

Azərbaycan Ordusunda psixoloqlar üçün növbəti təlim keçirilib

Goranboyda istehsal olunan tikinti materiallarının ixracı da nəzərdə tutulur

Deputat: Azərbaycan Ordusu yalnız bölgədə deyil, dünyanın müasir orduları arasında da özünə layiqli yer tutur

AzTU ilə Konya Texniki Universiteti arasında anlaşma memorandumu imzalanıb

Mingəçevirdə “8 Noyabr” Elektrik Stansiyasının açılış mərasimi keçirilib  YENİLƏNİB - 4 VİDEO

Mingəçevirdə “8 Noyabr” Elektrik Stansiyasının açılış mərasimi keçirilib  YENİLƏNİB - 4 VİDEO

“Azercell” abunəçilərinə narkotiklərin ziyanı barədə maarifləndirici SMS-lər göndərilib

Yaxın Şərqdəki gərginlik fonunda Qazaxıstan aviaşirkətlərinin bəzi reysləri ləğv edilib

Külək axşam saatlarından tədricən zəifləyəcək – PROQNOZ

AzMİU-da beynəlxalq elmi konfrans: Dünya alimləri inşaatın müasir problemlərini müzakirə ediblər

“YAŞAT” düşərgəsinin 2-ci həftəsi başlayıb

Özbəkistanın nazir müavini: Azərbaycan Mərkəzi Asiya və Çinin energetika planlarında mühüm rola malikdir

Dövlət Sərhəd Xidməti Hərbi Prokurorluqla birgə maarifləndirmə tədbirləri keçirib

Fövqəladə hallar nazirinin vətəndaşlarla görüşünün tarixi dəyişib

Donald Tramp İsraili İran ərazisinə zərbələri dayandırmağa çağırıb

Xaricdə təhsil alanlara qismən akademik tanınma üçün müraciət müddəti uzadılıb

Dövlət qulluğu vəzifələri üzrə müsabiqənin test imtahanına qeydiyyat elan edilib

Azərbaycan BMT-nin Ətraf Mühit Proqramının Daimi Nümayəndələr Komitəsi Bürosunun sədri seçilib

Taksi sürücüləri üçün iyulun 8-də keçiriləcək imtahana qeydiyyat elan olunub

Media: Zelenski və Trampın NATO sammitində görüşü planlaşdırılır

Paytaxt üzrə 1334 nəfər biologiya və kimya müəllimi sertifikatlaşdırma prosesinə dəvət olunub

Azərbaycan Avropa çempionatında 19 cüdoçu ilə təmsil olunacaq

NATO-nun Baş katibi Türkiyənin müdafiə sənayesini yüksək qiymətləndirib

Azərbaycan ilə Çin arasında radio və televiziya yayımı sahəsində əməkdaşlıq haqqında Memorandum imzalanıb