DÜNYA


Beynəlxalq Hava Nəqliyyatı Assosiasiyası Balidə turist vergisinin tətbiqi əleyhinədir

Tokio, 21 fevral, AZƏRTAC

Beynəlxalq Hava Nəqliyyatı Assosiasiyası (IATA) Balidə turist vergisinin tətbiqi əleyhinə olduğunu bildirib.

AZƏRTAC “The Jakarta Post” qəzetinə istinadla xəbər verir ki, həmin verginin aviabiletin dəyərinə əlavə edilməsi nəzərdə tutulur. Dünya üzrə aviadaşımaların 82 faizini həyata keçirən və özündə 290 aviaşirkəti birləşdirən assosiasiya Balinin qubernatoru Vayan Kosterə məktub göndərib. IATA-nın Asiya-Sakit okean regionu üzrə vitse-prezidenti Konrad Kliffordun imzaladığı məktubda deyilir: “Əcnəbi turistlərə birbaşa verginin tətbiqi Beynəlxalq Mülki Aviasiya Təşkilatının (IKAO) dəstəklədiyi vergiödəmə qaydaları ilə ziddiyyət təşkil edir”.

Xatırladaq ki, Bali administrasiyası ətraf mühitin və yerli mədəniyyətin mühafizəsinə turistlərin töhfəsi barədə qərar layihəsi hazırlayıb və bu sənəd hazırda Balinin qanunvericilik şurasında müzakirə olunur. Şura və administrasiya həmin verginin aviabiletin dəyərinə əlavə edilməsi və ya aeroportda yığılması məsələsinə baxır. İndoneziya Statistika İdarəsinin məlumatına görə, 2018-ci ildə Bali adasını 6 milyondan çox turist ziyarət edib.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.