DÜNYA


Dubay gömrükçüləri avtomobildə gizlədilən narkotik vasitə aşkarlayıb

Dubay, 18 avqust, AZƏRTAC

Dubayın Cəbəl-Əli rayonunun gömrük mərkəzi tərəfindən avtomobilin ehtiyat hissələrinin içində gizlədilmiş 251 kiloqramdan çox kristalik metamfetamin və 6,4 kiloqram heroin aşkarlanıb.

AZƏRTAC Dubay Gömrük İdarəsinin məlumatına əsasən xəbər verir ki, narkotik maddələr “Smart Risk Engine” sistemi vasitəsilə aşkar edilib. Qeyd olunub ki, qanunsuz yolla ölkəyə narkotik vasitələr gətirən şəxs onları müxtəlif ölçüdəki ehtiyat hissələrinin içində gizlədib və bu da gömrükçülərin narkotikləri aşkar etməsini bir qədər çətinləşdirib. Lakin gömrük mərkəzindəki xidməti itlər narkotiklərin aşkarlanmasına kömək edib.

Cəbəl-Əli Gömrük Mərkəzləri İdarəsinin direktoru Yusef Al Haşimi bildirib ki, onların əsas məqsədi cəmiyyəti narkotiklərlə bağlı təhlükələrdən müdafiə etməkdir. Ölkəyə narkotik vasitələrin gətirilməsi cəhdlərinin qarşısını almaq üçün müasir sistem yaradılıb.

 

Asya Hacızadə

AZƏRTAC-ın xüsusi müxbiri

Dubay

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.