Livan: İsrailin hərbi əməliyyatları nəticəsində ölənlərin sayı 2795-ə çatıb

09.05.2026 [22:59]
Çap et
A⁺ A^-

Qahirə, 9 may, AZƏRTAC

İsrailin Livana qarşı həyata keçirdiyi hərbi əməliyyatlar nəticəsində ölənlərin sayı 2795-ə çatıb.

AZƏRTAC xəbər verir ki, bu barədə Livan Səhiyyə Nazirliyi açıqlamasında bildirib. Nazirliyin Fövqəladə Hallar Mərkəzinin məlumatına görə, martın 2-dən indiyədək davam edən hücumlarda, ümumiyyətlə, 8586 nəfər yaralanıb. İsrail qüvvələri aprelin 16-da on gün müddətinə elan olunan atəşkəsi pozaraq Livanın cənubuna hücumlarını davam etdirir. Atəşkəs aprelin 23-dən etibarən üçhəftəlik müddətə uzadılıb.

Hazırda beynəlxalq təşkilatlar və regional tərəflər gərginliyin aradan qaldırılması və münaqişənin sülh yolu ilə həllinə çağırış edirlər.

_{Şıxəli Əliyev}

_{AZƏRTAC-ın xüsusi müxbiri}

_Qahirə