Gəncə şəhərində avtomobillərdən akkumulyator oğurlanıb
Bakı, 11 oktyabr, AZƏRTAC
Gəncə şəhərində avtomobillərdən oğurluq edən keçmiş məhkum yaxalanıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, oktyabrın 10-na keçən gecə Gəncə şəhərinin Məhsəti qəsəbəsində “Qazel” markalı avtomobildən akkumulyator oğurlamaqda şübhəli bilinən Gəncə şəhər sakini, əvvəllər məhkum olunmuş S.Qasımov Kəpəz Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Onun barəsində aparılmış tədbirlər nəticəsində həmin şəxsin daha bir avtomobildən akkumulyator və yaddaş kartı oğurlaması da müəyyənləşdirilib.
Faktla bağlı rayon polis idarəsi tərəfindən təhqiqat davam edir.
Bölmənin digər xəbərləri
