REGİONLAR


Kürdəmirdə istixanalarda 650 tondan çox pomidor və xiyar istehsal edilib

Kürdəmir, 28 oktyabr, AZƏRTAC

Kürdəmir rayonunda son illər istixana təsərrüfatına maraq artır. Hazırda 28 hektarda bu cür təsərrüfat fəaliyyət göstərir ki, burada da əsasən xiyar və pomidor yetişdirilir.

Rayon icra hakimiyyətindən AZƏRTAC-ın bölgə müxbirinə bildirilib ki, investisiya qoymaq məqsədilə rayona cəlb edilən sahibkarlar arasında da istixana təsərrüfatının yaradılmasına maraq göstərənlər var. Təsadüfi deyildir ki, bu il “Geotermal Agro” MMC tərəfindən Mollakənd kəndi ərazisində 10 hektar sahədə termal sularla isidilən müasir istixana tikilib və hazırda burada pomidor yetişdirilir.

Qeyd edək ki, təkcə bu ilin ötən müddətində rayonun istixana təsərrüfatlarında 650 tondan çox xiyar və pomidor istehsal olunub. İstehsal edilən məhsulların 210 tondan çox xarici bazarlara, əsasən də Rusiya və Ukraynaya ixrac olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.