Hava gəmisi heyətinin uçuş vaxtı, iş vaxtı və istirahət vaxtı tənzimlənəcək
Bakı, 13 oktyabr, AZƏRTAC
Milli Məclisin oktyabrın 13-də keçirilən plenar iclasında Əmək Məcəlləsində və “Aviasiya haqqında” Qanuna dəyişikliklər edilməsi barədə qanun layihəsi müzakirəyə çıxarılıb.
AZƏRTAC xəbər verir ki, təqdim edilən qanun layihəsi Əmək Məcəlləsinin IV və V bölmələrində müəyyən edilmiş ümumi normaların aviasiya sahəsinə tətbiqini istisna edilməsi və ayrıca maddələr ilə tənzimlənməsi məqsədini daşıyır.
Sənədin qəbul edilməsi ilə əlaqədar Nazirlər Kabineti tərəfindən təyyarə üçün kommersiya hava daşımalarını həyata keçirən hava gəmisi heyətinin yorğunluğunun idarəedilməsi ilə əlaqədar uçuş vaxtı, iş vaxtı və istirahət vaxtının tənzimlənməsinə dair qaydaların təsdiq edilməsi gözlənilir.
Qanun layihəsinə təklif edilən dəyişikliklər birinci oxunuşda səsə qoyularaq təsdiq edilib.
Bölmənin digər xəbərləri
